Bıyl qazaq tiliniń damýyna úles qosqan ǵalym, fılologıa ǵylymdarynyń doktory, profesor, Qazaqstan Respýblıkasynyń Memlekettik syılyǵynyń ıegeri Áset Bolǵanbaevtyń 90 jyldyǵy.

2017 jyldyń jeltoqsan aıynda Almatyda «Ǵylym ordasy» RMK Ortalyq ǵylymı kitaphanasynda tiltanýshynyń mereıtoıyna oraı kitap kórmesi ótti. Sondaı-aq Memleket basshysy N. Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda Qazaqstan Respýblıkasy Bilim jáne ǵylym mınıstrligi Ǵylym komıteti Ahmet Baıtursynuly atyndaǵy Til bilimi ınstıtýty Ulttyq kitaphananyń N.Dáýletova atyndaǵy konferensıa zalynda Áset Bolǵanbaıulynyń «Sóz sıqyryn zerdelegen ǵalym» atty dóńgelek ústel uıymdastyrdy. Dóńgelek ústel bastalar aldynda aldynda Á. Bolǵanbaevtyń ómir joly, ǵylymı eńbekteri, maqalalary qoıylǵan kórme tanystyryldy. Kelgen qonaqtar men jalpy oqyrman nazaryna ǵalymnyń kitaptarynyń kórmesi men fotosýretterinen slaıdtar kórsetildi.  Dóńgelek ústeldi fılologıa ǵylymdarynyń doktory, profesor Myrzabergen Malbaqov júrgizip otyrdy.

İs-sharada A.Baıtursynuly atyndaǵy Til bilimi ınstıtýtynyń bas ǵylymı qyzmetkerleri Seıdin Bızaqov «Tilim dep tynym tappaǵan ǵalym», Nurgeldi Ýálı «Leksıkograf – ǵalym», Jamal Mankeeva «Sóz kestesin túzgen ǵalym», Rústem Shoıbekov « Áset Bolǵanbaevtyń qazaq rýhanıatyn tanytýdaǵy eńbekteri», Abaı atyndaǵy QazUPÝ-dyń profesory Gúlbaný Qosymova «Sınonımder – sheshendiktiń mańyzdy quraly», fılologıa ǵylymdarynyń doktory, dosent Maıra Júnisova  «Áset Bolǵanbaevtyń sınonımder sózdigi týraly», ál-Farabı atyndaǵy atyndaǵy QazUÝ-dyń fılologıa ǵylymdarynyń doktory, profesor Gúldarhan Smaǵulova «Áset Bolǵanbaev frazeologızmderdiń sınonımdik sıpaty týraly», Qazaqstannyń eńbek sińirgen qaıratkeri, fılologıa ǵylymdarynyń kandıdaty Asyly Osman «Sınonımder atasy» degen taqyrypta baıandamalaryn jasady.